ფუნთუშები ნაღებით - უგემრიელესია!
ინგრედიენტები
ცომი:
რძე - 0.5 ჭიქა
ფქვილი - 400 გ
შაქარი - 100 გ
კარაქი - 50 გ
საფუარი - 1 ჩ/კ
მარილი - 1 მწიკვი
კონიაკი - 2 ჩ/კ
კვერცხი - 1 ცალი
კვერცხის გული - 1 ცალი
ნაღები - 200 მლ
შაქრის პუდრა - 2 ს/კ
შაქრის პუდრა – მოსაყრელად
რძე - 1 ს/კ
კვერცხის გული - 1 ცალი
მომზადების წესები
თბილ რძესი გავხსნათ საფუარი და 10 წუთით გავაჩეროთ. ცალკე გავთქვიფოთ დარბილებული კარაქი და შაქარი, შევათქვიფოთ კვერცხის გული და კვერცხი. საფუვრის მასას ავურიოთ გათქვფილი კვერცხის მასა, შევურიოთ დანარჩენი ინგრედიენტები, მოვზილოთ ნაზი ცომი, რომელიც ოდნავ ეკრობა ხელს და დავდგათ ასაფუებლად.
ნაღები და შაქრის პუდრი ავთქვიფოთ და მოვათავსოთ მაღალგვერდებიან ფორმაში. ცომი დავყოთ 16 გუნდად და ჩავალაგოთ ნაღებჩასხმულ ფორმაში. გუნდები ერთმანეთისგან ოდნავ დავაშოროთ, ზემოდან წავუსვათ გათქვეფილი კვერცხის გულისა და რძის ნარევი, გავაჩეროთ კიდევ 30 წუთით და შევდგათ 200 გრადუსზე გახურებულ ღუმელში დაახლოებით 20-25 წუთით. მზა ფუნთუშებს მოვაყაროთ შაქრის პუდრი.
რეცეპტის ავტორი: ნინო ფანჯაკიძე
