ნიკა გვარამია პროკურატურაში 19:00 საათზე მივა
სამაუწყებლო კომპანია ,,რუსთავი 2"-ის ყოფილი გენერალური დირექტორი ნიკა გვარამია საქართველოს გენერალურ პროკურატურაში 19:00 საათზე მივა და ბრალის შესახებ დადგენილებას პირადად ჩაიბარებს.
წარდგენილ ბრალთან დაკავშირებით, მთავარ განცხადებას ნიკა გვარამია სწორედ საგამოძიებო უწყებასთან გააკეთებს.
როგორც ,,რუსთავი 2"-ის ყოფილი გენერალური დირექტორი აცხადებს, მის წინააღმდეგ ბრალი არის თეთრი ძაფებით ნაკერი.
პროკურატურის მიერ დღეს მიღებულ გადაწყვეტილებას ბრალის დადგენილების შესახებ ნიკა გვარამია სოციალურ ქსელშიც გამოეხმაურა.
სამაუწყებლო კომპანია „რუსთავი 2"-ის ყოფილი გენერალური დირექტორის ნიკა გვარამიას მიმართ გენერალურმა პროკურატურამ ბრალის წარდგენის გადაწყვეტილება მიიღო. ამის შესახებ დღეს უწყებაში გამართულ ბრიფინგზე გახდა ცნობილი.
წყარო:pia.ge