დიეტა მათთვის, ვისაც ტკბილეული უყვარს, მუდმივად შია და ყოველთვის ეჩქარება

შესაძლებელია, დიეტამ სიამოვნება მოგანიჭოთ? რა თქმა უნდა, შესაძლებელია, თუკი რაციონს საკუთარ გემოვნებასა და ცხოვრების წესს შეუსაბამებთ. ამ შემთხვევაში, კვებითაც და დიეტითაც სიამოვნებას მიიღებთ, თან შესამჩნევად დაიკლებთ წონაში.


ტკბილეულის მოყვარულებისთვის

სუსნაობასთან გამკლავება რთულია, მაგრამ, თუკი სწორად შეადგენთ მენიუს, ნამცხვრის, კანფეტის ან ფუნთუშის ჭამის სურვილი ნაკლებად შეგაწუხებთ. მაშ ასე - ყველაზე მთავარი რჩევა: დღის მანძილზე იკვებეთ ხშირად, 4-5-ჯერ. ამგვარად სისხლში შაქრის შემცველობის მუდმივ დონეს შეინარჩუნებთ. ტკბილეული ჩაანაცვლეთ ხილით - მიიღეთ დღეში ორჯერ და არ დაგავიწყდეთ, რომ სეზონური ბოსტნეულიც შეიცავს შაქარს: კიტრი, პომიდორი და ბულგარული წიწაკა.

რა თქმა უნდა, შეგიძლიათ, თავს უფლება მისცეთ ცოტაოდენი „მავნე, მაგრამ ძალიან საყვარელი“ პროდუქტი მიიღოთ, ოღონდ ძალიან ცოტა.

დღის რაციონი

საუზმე: ფაფა - 100 გრ; მოხარშული კვერცხი - 1 ცალი; ბალახეული ჩაი.
ლანჩი: პიტა ახალი ბოსტნეულით - კიტრი, პომიდორი, ბულგარული წიწაკა, მწვანილი.
სადილი: ბოსტნეულის წვნიანი - 150 გრ. რაგუ ლობიოთი და ქათმით - 150 გრ. ვაშლი - 1ცალი;
სამხარი: ხილის სალათი ავოკადოთი და თხილით - 150 გრ;
ვახშამი: თევზის სტეიკი და ბოსტნეულის სალათი - 150 გრ.


მენიუ მათთვის, ვისაც მუდმივად შიმშილის შეგრძნება აქვს

თავდაპირველად განსაზღვრეთ, ნამდვილად გშიათ თუ ჭამა, უბრალოდ, ჩვევაში გაქვთ. როგორ უნდა გაიგოთ ეს? თუკი ბორშის ჭამის სურვილი გაგიჩნდათ, ეს ნიშნავს, რომ ნამდვილად გშიათ. ხოლო თუკი გსურთ, რამე ისეთი მიირთვათ, არცთუ ისე ჯანსაღი, გამოდის, რომ საუბარია მადაზე და მისი ზედმეტად გაღიზიანება არ ღირს. იდეალური მდგომარეობაა, როდესაც მსუბუქი შიმშილის შეგრძნება ბოლო ჭამიდან 3-4 საათის შემდეგ დაგეუფლებათ. თუკი უფრო ხანმოკლე შუალედში გშივდებათ, გადახედეთ საკუთარ რაციონს.

გაითვალისწინეთ, რომ თქვენს რაციონში აუცილებლად უნდა შედიოდეს ცილა, სასარგებლო ცხიმები და რთული ნახშირწყლები - ამგვარად დანაყრების შეგრძნება დიდხანს გაგყვებათ. მიირთვით მცენარეული საკვები, რომლებიც ბევრ უჯრედისს შეიცავს, ავსებს კუჭს და ბევრი ჭამის შესაძლებლობას არ მოგცემთ.


დღის მენიუ:

საუზმე: ომლეტი ბოსტნეულით, მცენარეული ჩაი;
ლანჩი: დიეტური პურით მომზადებული ტოსტი თევზით და სალათის ფურცლებით. 1 ფინჯანი კენკრა.
სადილი: ბორში - 150 გრ. ქათმის ფლოვი. 3 ცალი ქლიავი.
სამხარი: ბოსტნეულის სალათი - 200 გრ;
ვახშამი: ინდაურის შნიცელი გამომცხვარი ბოსტნეულით.


მათთვის, ვისაც მუდმივად ეჩქარება.

თუკი დიეტური კერძების მომზადების დრო არ გაქვთ, სრულიად შესაძლებელია, წონაში კლება და ჭამით სიამოვნების მიღება ერთმანეთს შეუთავსოთ.
გაითვალისწინეთ, რომ ყოველდღიური სადილი უნდა შეიცავდეს 15-20% ცილას (საშუალოდ, 120 გრ ხორცი), სასარგებლო ცხიმებს - 10-13% (ზეითუნის ზეთი, 1 ს/კ, თხილი, 3-4 ნაჭერი ავოკადო), რთული ნახშირწყლები - ერთი თეფში ბოსტნეული ან მწვანე სალათი. და კიდევ, თუკი საოფისე სამსახური გაქვთ, ატარეთ თან ლანჩ-ბოქსი. მოათავსეთ მასში ის პროდუქტები, რომელთა მიღებაც სამსახურში მოსახერხებელია: დაჭრილი ბოსტნეული, სალათის ფურცლები, ხორცის ან ყველის ნაჭრები, სასარგებლო სოუსები, ერთი მუჭა თხილი ან გოგრის გული.


დღის რაციონი

საუზმე: სენდვიჩი დიეტური პურით, მოხარშული ძროხის ხორცით და ბოსტნეულით.
ლანჩი: ნაკლებცხიმიანი იოგურტი - 100 გრ და 100 გრამი კენკრა.
სადილი: სტაფილო, კიტრი, ნიახური, ქათმის თეთრი ხორცი და სალათის ფურცლები.
სამხარი: 3-4 ცალი რულეტი მწვანე სალათის ფურცლებით, უცხიმო ყველით და სანელებლებით.
ვახშამი: შაურმა მოხარშული ხორცით და ბოსტნეულის მიქსით.










წყარო:funtime.ge