როგორ მოვუაროთ მშრალ თმას?

მშრალი თმის მოვლის კომპლექსი და მისი 4 შემადგენელი...

მშრალი თმის პრობლემა ბევრ ქალს აწუხებს. თმის გამოშრობის სხვადასხვა მიზეზი არსებობს: ჰორმონალური ფონის დარღვევა, ზედმეტად ცხიმიანი საკვები, თმებისთვის სასარგებლო მინერალებისა და ვიტამინების არასაკმარისი რაოდენობა; თმის საშრობის, სახვევის, უთოს ყოველდღიურად გამოყენება, თმის ქიმიური დახვევა (ხშირად), შეღებვა, მელირება და სხვა...

როგორ მოვუაროთ მშრალ თმას?

მშრალი თმის ყოველდღიურად დაბანა რეკომენდებული არ არის, სასურველია, თავი 6 დღეში ერთხელ დაიბანოთ. მშრალი თმის შემთხვევაში თავი ნელ-თბილი წყლით დაიბანეთ. შემდეგ, კი გადაივლეთ გვირილის, ჭინჭრის ან კალენდულას ნაყენი. თავის დაბანამდე თმის ძირებში შეიზილეთ ზეითუნის ან აბუსალათინის ზეთი.

მნიშვნელოვანია, ასევე, შამპუნის და თმის კონდიციონერის სწორად შერჩევა. თავზე შეიზილეთ უკვე გაზავებული და აქაფებული შამპუნი, ამგვარად თავის კანის ტუტოვანი ბალანსი არ დაირღვევა. თმის გაშრობა სასურველია ბუნებრივი გზით, თერმოდამუშავების გარეშე. გამორიცხეთ თმის საშრობი და თმის უთო, ეს საშუალებები თმას აზიანებს, მშრალ თმას კი - განსაკუთრებით. თუკი თმის საშრობი აუცილებლად უნდა გამოიყენოთ, ისარგებლეთ გაშრობის ცივი რეჟიმით.

მშრალი თმის შემთხვევაში ინტენსიურად ისარგებლეთ თმის ბალზამით, ნიღბით, კომპრესებითა და კონდიციონერით. თმის ნიღაბი შეიზილეთ თავზე დაბანამდე ნახევარი საათით ადრე. ყველა ეს საშუალება აჯანსაღებს და იცავს მშრალ თმას. უბრუნებს მათ ბზინვარებას, სიმსუბუქესა და სირბილეს.

საბოლოოდ, მშრალი თმის მოვლის კომპლექსი ასეთია:

1. თავის დაბანა სპეციალურად თქვენი თმის ტიპისთვის შერჩეული შამპუნით;

2. თმის დატენიანება და კვება - ბალზამი, ნიღბები;

3. თმის დაცვა - თერმოდამცავი სპრეები ვარცხნილობის გაკეთების დროს.

4. სწორი კვება - თამბაქო, ალკოჰოლი, ცხიმიანი საკვები და ბევრი ტკბილეული თმაზე ნეგატიურად აისახება. რაციონში შეიტანეთ ვიტამინები, ხილი და ახალი ბოსტნეული. მიიღეთ, რაც შეიძლება მეტი წყალი. აკონტროლეთ ძილის რეჟიმი. ხშირად ისეირნეთ სუფთა ჰაერზე და მოერიდეთ ნერვულ დაძაბულობას.






წყარო:funtime.ge