ზურაბიშვილი გუგუტიანთკარზე დუმილს სერიოზული განცხადებისთვის მზადებით ხსნის
რამდენიმე დღიანი გაუჩინარებისა და დუმილის შემდეგ საქართველოს პრეზიდენტი ჟურნალისტებთან გამოჩნდა, თუმცა სალომე ზურაბიშვილმა არ ისურვა კომენტარი გაეკეთებინა გუგუტიანთ კარში მიმდინარე მცოცავი ოკუპაციის საკითზე. ზურაბიშვილის თქმით, ამაზე მთავრობა და თავად ისიც სერიოზულად მუშაობენ და განცხადება მომავალში გაკეთდება:
„განცხადება უნდა იყოს სერიოზული და არა ქუჩაში გაკეთებული, ყველაფრის შესახებ გაგაფრთხილებთ, როცა გადავწყვეტ ან განცხადების გაკეთებას ან სხვა უფრო სერიოზულ საქმეს. ვიცი ყველაფერი რაც ხდება, სერიოზულად მუშაობს ჯერ ერთი მთავრობა და მეც ვარ ჩართული.“- განაცხადა სალომე ზურაბიშვილმა.
