თეგებით ძიება

3 ქალი, რომელიც ჭკუითა და გამჭრიახობით ნებისმიერ მამაკაცს აჯობებს

ამბობენ, რომ ძლიერი სქესის წარმომადგენლებს, არ მოსწონთ ქალი, რომელიც მათ პროფესიულ ან ზოგადად ცხოვრებისეულ საკითხებში ასწავლის ჭკუას, მით უმეტეს, აძლევს ერთობ კომპეტენტურ შენიშვნებს. თუმცა, გონიერებაც ხომ სწორედ ის არის, რომ ქალმა თავისი სიჭკვიანე დიპლომატიურობის საბურველს მოარგოს და მამაკაცთან ურთიერთობისას საკუთარი გონიერება დადებითი კუთხით წარმოაჩინოს?.. წარმოგიდგენთ ყველაზე ჭკვიანი ქალების საუკეთესო სამეულს, რომელთა შესახებაც ასტროლოგები მიიჩნევენ, რომ მათ "მამაკაცური აზროვნება" გააჩნიათ. შესაბამისად, ნებისმიერ ისეთ საქმეს ართმევენ თავს უპრობლემოდ, რომელიც ჭეშმარიტად მამაკაცურია.


ვერძი – თანდაყოლილი გამჭრიახობით გამოირჩევა. პატარა ასაკშიც ახერხებს დაამარცხოს ეზოს "ყოჩები" და მონოპოლია აიღოს თანატოლებზე. ამ ქალს ეადვილება და მოსწონს ლიდერობა, რაც ნებისმიერ მამრს ულახავს თავმოყვარეობას. ქალი ვერძი საოცრად გამძლე, სიცოცხლისუნარიანი და გამჭრიახია. აქვს უნარი ალღო აუღოს ნებისმიერი სირთულის საქმეს, თუნდაც ყველაზე "მამაკაცურს". ერთადერთი ნაკლი მის ხასიათში არის ის, რომ ზედმეტად გულუბრყვილო დამოკიდებულებით გამოირჩევა ადამიანების მიმართ. ამიტომ, როცა უსამართლობას წააწყდება და ბრაზობს, მრისხანება წამის მეასედში უბინდავს გონებას. რის გამოც მისი, როგორც ჭკვიანი ქალის იმიჯი შესაძლოა თვალსა და ხელს შუა დაიმსხვრეს საზოგადოების თვალში.


მორიელი – მასში ქალურ შტრიხებზე გაცილებით მეტი მამაკაცური თვისებებია. ამიტომ საკმაოდ დიდი დრო სჭირდება ქალ მორიელს ბავშვობიდან მოყოლებული იმის ბოლომდე გასაცნობიერებლად, რომ ბუნებამ ქალად ყოფნა არგუნა წილად. მისთვის მამაკაცის ცხოვრება გაცილებით უფრო მისაღები და მარტივია, იმიტომ რომ გულისამრევად ეჩვენება ათასგვარი სახის ქალური ეშმაკობა და ინტრიგები. პირდაპირი და სწორხაზოვანია ყოველთვის. ამასთან ერთად, გამჭრიახობის გარდა, საოცარი ინტუიციური აღქმაც გააჩნია და ადამიანებს გამჭოლ ხედავს. შესაბამისად, ყოველთვის და უშეცდომოდ ცნობს "აფერისტებს". ამგვარი ქალის ნაკლი მისი შურისმაძიებელი ხასიათია. იგი არასოდეს ეგუება წაგებას.


თხის რქა – პატარა ასაკიდან გაწონასწორებული, არაბავშვურად მშვიდი და სერიოზულია. თუკი თავს ცელქობის უფლებას აძლევს კიდეც, მისი სამეგობრო წრე ყოველთვის ბიჭების საზოგადოებით შემოიფარგლება. ამ ქალს შესანიშნავად ეხერხება მამაკაცებთან მეგობრობა და კონკურენციასაც არანაკლები ოსტატობით უწევს მათ უკვე დიდ ასაკში, პროფესიული საქმიანობის კუთხით. იგი ყოველთვის შესანიშნავად აკონტროლებს ემოციებს და იშვიათადაა კონფლიქტის ინიციატორის როლში. თუმცა სიჯიუტე, რომლითაც იგი ბუნებამ დააჯილდოვა ნებისმიერ მამრს გამოიყვანს წყობიდან.

წყარო: astrologi.ge


თეგები


რეკომენდირებულია თქვენთვის

ყველა

აღმოაჩინეთ მეტი Tia-დან

ყველა