ლისის ტბაზე სისხლიანი გარჩევის შედეგად დაჭრილი გოჩა ვეფხვაძე გარდაიცვალა
ლისის ტბაზე სისხლიანი გარჩევის შედეგად დაჭრილი გოჩა ვეფხვაძე რეგიონალურ ჰოსპიტალში გარდაიცვალა. მამაკაცს მრავლობითი ჭრილობები აღენიშნებოდა.
ვეფხვაძეს გულ-მკერდის მარცხენა მხარეს, ასევე ბარძაყის ქვედა კიდურზე და წვივებზე 4 მძიმე ჭრილობა ჰქონდა მიყენებული.
41 წლის მამაკაცს ქირურგიული ოპერაცია 3 საათის განმავლობაში უტარდებოდა.
არსებული ინფორმაციით, ვეფხვაძეს დაპირისპირება, სავარაუდოდ, ძველ მეგობრებთან – ძმებ ფეიქრიშვილებთან და ნოდარ ნიშნიანიძესთან მოუვიდა, რომლებთანაც კონფლიქტი წლების განმავლობაში ჰქონდა.
6 ოქტომბერს დაპირისპირება გახოკიძის ქუჩაზე დაიწყო, შემდეგ კი რამდენიმე ავტომობილით მასში მონაწილე პირები ლისის ტბის მიმართულებით წავიდნენ, სადაც ვეფხვაძე, სავარაუდოდ, ერთ-ერთ ავტომობილში დაჭრეს.
