ლიეტუვის პრეზიდენტმა ორი რუსი ჯაშუში შეიწყალა
ლიეტუვის პრეზიდენტმა, გიტანას ნაუსედამ ჯაშუშობის ბრალდებით გასამართლებული რუსეთის 2 მოქალაქე შეიწყალა. ინფორმაცია ამის შესახებ პრეზიდენტის ვებგვერდზე გამოქვეყნდა.
სააგენტო BNS-ის ცნობით, ნიკოლაი ფილიპჩენკოს და სერგეი მოისეენკოს 2017 წელს ჯაშუშობისთვის 10-წლიანი პატიმრობა მიესაჯა.
მანამდე ლიეტუვური მედია წერდა, რომ შეწყალების შემდეგ ფილიპჩენკოს და მოისეენკოს რუსეთში დაპატიმრებულ ლიეტუვის მოქალაქეებზე - ევგენი მატაიტისსა და არისტიდას ტამოშაიტისზე გაცვლიან. ტამოშაიტისს და მატაიტისს რუსეთში 12 და 13 წლით თავისუფლების აღკვეთა აქვთ მისჯილი.
სააგენტოს ინფორმაციით, შესაძლოა, მოსკოვმა ლიეტუვას ნორვეგიელი ფრუდე ბერგიც გადასცეს, რომელსაც რუსეთში 14-წლიანი პატიმრობა აქვს მისჯილი.
წყარო:imedinews.ge
