24 თებერვლის ასტროლოგური პროგნოზი

ვერძი. პროფესიული წარმატებები გელით. ეს შეიძლება იყო როგორც კარიერაში დაწინაურება, ასევე მატერიალური მდგომარეობის გაუმჯობესება. დღეს დაეყრდენით საღ აზრს და ასევე ყური მიუგდეთ ინტუიციასაც. ნუ აჰყვებით ემოციებს. ეს პრაქტიკულობაზე უარს გათქმევინებთ და ფანანსურ დანაკარგსაც მოგიტანთ.

კურო. მშვიდი სამუშაო დღე გელით. სამსახურში მცირედი, მაგრამ პერსპექტიული ცვლილებებია მოსალოდნელი. ეს დაგეხმარებათ ადრე დაწყებული ყველა საქმის დასრულებაში. შეეცადეთ გონივრულად მიუდგეთ ყოველ პრობლემას და ერიდოთ ხელმძღვანელებთან კამათს. ერთ-ერთი ყველაზე ხელსაყრელი დღეა იმ ადამიანებისთვის, ვისაც დაქორწინება ან ბავშვის ჩასახვა აქვს გადაწყვეტილი.

ტყუპები. ამ დღეს ორგანიზმის საერთო ტოქსიკურობა გექნებათ მომატებული. მოსალოდნელია ინფექციური დაავადებები. მოწევისა და ალკოჰოლის მიღებაზე საერთოდ უარი თქვით. დიდი რაოდენობით სითხე უნდა მიიღოთ.

კირჩხიბი. ეს დღე ნეგატიურ ტენდენციბს მოგიტანთ. შესაძლოა საკუთარი შეხედულებებისა და პრინციპების დაცვა მოგიხდეთ. თანაც ეს მოხდება ისეთი მოვლენების ფონზე, რასაც წინასწარ ვერ განჭვრეტთ. პირად ცხოვრებაშიც გაუგებრობები და კამათია მოსალოდნელი.

ლომი. დღეს არ ღირს ახალი საქმის დაწყება, განსაკუთრებით ისეთების, რომლებიც ფინანსებს უკავშირდება. შედეგები შესაძლოა აფსოლუტურად არასასურველი იყოს. გეგმების დასახვა კი შეიძლება და საჭიროცაა. ნუ შეგეშინდებათ ემოციების გამოხატვის. დაიცავით თქვენი შეხედულებები და ნურავის მისცემთ უფლებას შეცდომაში შეგიყვანოთ. მოსალოდნელია რომანტიკული ნაცნობობაც, რაც ოჯახის შექმნისკენ იქნება მიმართული.

ქალწული. ხელსაყრელი დღე გელით. შესაძლებელია მნიშვნელოვანი გადაწყვეტილების მიღება მოგიხდეთ, მაგრამ ნუ შეშინდებით და აქტიურად იმოქმედეთ. ამ დღეს არ ღირს კამათში ჩართვა პარტნიორებთან ან ნათესავებთან. შეეცადეთ სიმშვიდე შეინარჩუნოთ. არ არის სასურველი მივლინებაში ან სამოგზაუროდ წასვლა. მოინახულეთ მშობლები.

სასწორი. მთელი დღის განმავლობაში კარგი განწყობა გექნებათ. თავადაც კი იქნებით გაოცებული ამის გამო. მხოლოდ სამუშაო დღის დასასრულს მიხვდებით მიზეზს. გქონდეთ ასიამოვნო სიურპრიზების იმედი.

მორიელი. შესაფერისი დღეა საყიდლებისათვის. რაც არ უნდა შეიძინოთ, ყველაფერს კარგად გამოიყენებთ. დღის განმავლობაში გამონახეთ დრო განმარტოვებისათვის. გაიხსენეთ წარსული, შეაფასეთ აწმყო და იოცნებეთ მომავალზე.

მშვილდოსანი. შეცდომა, რომელიც არც თუ ისე დიდი ხნის წინ დაუშვით, აისახა არა მარტო თქვენზე, არამედ თქვენთვის საყვარელ ადამიანზეც. დღეს ყველაფერი უნდა აწონ-დაწონოთ და გაიგოთ - გაქვთ თუ არა საერთო მომავალი.

თხის რქა. დღეს შვებით შეგიძლიათ ამოისუნთქოთ იმ თხის რქებმა, რომლებიც სამსახურს ეძებთ, რადგან თქვენ იპოვით ისეთ სამსახურს, რომელიც კარგ შემოსავალსაც გპირდებათ და თქვენს ფასეულობათა სისტემასაც მშვენივრად მოერგება. არაა გამორიცხული ახალი რომანტიკული ნაცნობობაც. ძალიან კარგი დღეა მათთვის, ვისაც სპორტით დაკავება ან ენების შესწავლა გსურთ.

მერწყული. შემოქმედებითი ენერგიით აღსავსე დღეა. შექმენით რაიმე ახალი, გარისკეთ, ისაუბრეთ უჩვეულ ადამიანებთან. თქვენ ბევრს მოასწრებთ თუ არ იზარმაცებთ და წვრილმანებზე არ მოცდებით. დღეს ფიზიკური ვარჯიში კარგად აისახება თქვენს ჯანმრთელობაზე. წარმატებული დღეა რომანტიკული შეხვედრის, ნიშნობისა და დაქორწინებისათვის.

თევზები. კარგი იქნება თუ ორიენტირებას ყოველდღიურ და საყოფაცხოვრებო პრობლემებზე მოახდენთ. სამსახურში ძალიან ყურადღებით და ფრთხილად იყავით. პირად ცხვრებაში მოსალოდნელია სასიამოვნო ცვლილებები.