5 მარტის ასტროლოგური პროგნოზი

ვერძი. ამ ნიშნის ბევრ წარმომადგენეს დღეს გაუთვალისწინებელი ხარჯები ელით. ასევე მოსალოდნელია სულიერი ზარალიც. სავარაუდოდ ვინმე გარემოცვიდან თქვენით მანიპულირებას ან დასმენას მოინდომებს. შეეცადეთ ხასიათის სიმტკიცე გამოავლინოთ და არ აჰყვეთ პროვოკაციას. ნუ მიიღებთ ალკოჰოლს და ერიდეთ გადაღლას, ეს ცუდად აისახება თქვენს ჯანმრთელობაზე.

კურო. არ ღირს მნიშვნელოვანი საქმეების გადადება. იმოქმედეთ გადაჭრით და შემართებით, რათა შემდეგში დაკარგულ დროზე არ ინანოთ. მოსალოდნელია დაწინაურება სამსახურში იმ პირობით, თუ გამოიჩენთ სიბრძნეს, თავშეკავებასა და დიპლომატიას. ასევე მიაქციეთ ყურადღება თქვენი სხეულის მდგომარეობას. ეწვიეთ სპორტულ დარბაზს ან დილ-დილობით სირბილი დაიწყეთ.

ტყუპები. ვარსკვლავები გირჩევენ არ დაჯდეთ სახლში და რაც შეიძლება მეტი დრო გაატაროთ სუფთა ჰაერზე, რადგან მოსალოდნელია სწორედ დღეს გაიცნოთ ადამიანი, რომელსაც მომავალ ცხოვრებას დაუკავშირებთ. ფინანსური მდგომარეობა სტაბილურობას გპირდებათ.

კირჩხიბი. გულწრფელობა, - ესაა თქვენი დღევანდელი დევიზი. თუ სიცრუეს და ორგულობას გამოიჩენთ, ეს გამჟღავნდება. ამ დღეს გენიაური იდეები გეწვევათ, რითაც აუცილებლად უნდა ისარგებლოთ. შეგიძლიათ დაგეგმოთ ახალი საქმეები, შეხვდეთ სხვადასხვა ადამიანებს. მთლიანობაში ძალიან კარგი დღეა.

ლომი. ყოველთვის როდი ემთხვევა ჩვენი სურვილები შესაძლებლობებს. ზოგჯერ ამის ფონზე მრავალრიცხოვანი გაუგებრობები ჩნდება ხოლმე გარშემომყოფებთან. სწორედ დღეს გექნებათ მორიგი მსგავსი შემთხვევა.

ქალწული. კარგი იქნება დილის ფიზიკური ვარჯიშით დაწყება, რაც მთელი დღის სამყოფი ენერგიით დაგმუხტავთ. მოსალოდნელია უჩვეულო შეხვედრები, ნაცნობობა საინტერესო ადამიანებთან, ასევე დამაინტრიგებელი წინადადების მიღება. საღამოს წარმატებული პერიოდია რომანტიკული შეხვედრისა და ნიშნობისათვის.

სასწორი. მონანიების, სულიერი განათლებისა და მკურნალობის დღეა. თუ დიდი შენაძენის გაკეთება გქონდათ გეგმაში, უმჯობესია ის სხვა დღისთვის გადადოთ, რადგანაც სიცრუე ან მნიშვნელოვანი ფინანსური დანაკარგია მოსალოდნელი. მომგებიანი იქნება ფიზიკური დატვირთვა, შემოქმედებითი მუშაობა, მოგზაურობა. იზრუნეთ საკუთარ ჯანმრთელობაზე. კარგი დღეა ხალხური მედიცინის მეთოდებით მკურნალობისთვის.

მორიელი. ძალიან გჭირდებათ მოდუნება და დასვენება. თუ მთელი დღეების განმავლობაში მუშაობთ, გამოძებნეთ დრო ზარმაცობისთვის: უბრალოდ წამოწექით დივანზე და უყურეთ ტელევიზორს. საღამოც სახლში გაატარეთ.

მშვილდოსანი. კარგი იქნება თუ ენერეგიას დაზოგავთ. მოსალოდნელია კამათი თანამშრომლებთან და ხელმძღვანელებთან. შეეცადეთ შეინარჩუნოთ სიმშვიდე და არ დაძაბოთ სიტუაცია. გაუფრთხილდით საკუთარ ჯანმრთელობას. არსებობს ძველი დაავადების გამწვავების საშიშროება. ნუ გასცემთ სესხს, სავარაუდოდ მას უკან ვეღარ დაიბრუნებთ.

თხის რქა. თავს ენერგიულად, მხნედ, სექსუალურად და მომხიბვლელად იგრძნობთ. ერთ-ერთი ყველაზე ხელსაყრელი დღეა საკუთარი იდეებისა და გეგმების რეალიზებისათვის. თუ ყველაფერს სწორად მოიფიქრებთ, დიდი წარმატება გელით. ამ დღეს შეგიძლიათ დაკავდეთ სპორტით ან სხვადასხვაგვარი ფიზიკური დატვირთვით. შეეცადეთ რაც შეიძლება მეტი ისეირნოთ სუფთა ჰაერზე.

მერწყული. კარგი განწყობა წარმატებული დღის საწინდარია. შეინარჩუნეთ სიმშვიდე და ფილოსოფიურად მიუდექით ყველაფერს. სიხარულით აკეთეთ კეთილი საქმეები, აჩუქეთ ყურადღება ახლობელ ადამიანებს. დღეს აუცილებელია აკონტროლოთ წნევა და გაუფრთხილდეთ თვალებს.

თევზები. გარშემომყოფებისთვის სიკეთის კეთება განწყობას უფრო აგიმაღლებთ. დღეს არ ღირს ახალი საქმის დაწყება და არც გექნებათ ამისი ინტერესი.