ნახევარ მილიონამდე ინფიცირებული და 18 000-ზე მეტი დაღუპული-კორონავირუსის გავრცელება ყოველდღიურად მასშტაბურად იზრდება

კორონავირუსი უკვე მთელი მსოფლიოს მასშტაბით გავრცელდა და თითქმის ყველა ქვეყანა მოიცვა. მას შემდეგ რაც ჩინეთისა და სახმრეთ კორეის მსგავსად ქვეყნებმა დაიწყეს სწრაფი ტესტების ათვისება, იზრდება დაინფიცირებულთა რაოდენობის გამოვლენა - ადამიანების ორგანიზმის უდიდეს ნაწილში ინფექციის განვითარება სუსტი გამოვლენით ან საერთოდ უსიმპტომოდ მიმდინარეობს.

უკანასკნელი მონაცემების თანახმად, დაავადების 423 000-ზე მეტი შემთხვევაა, რომელთაგან ფატალური 18 906 აღმოჩნდა. მათგან გამოჯანმრთელებულთა რაოდენობა კი ნელი ტემპებით თუმცა, ყოველდღიურად მიმდინარეობს და უკვე თითქმის 110 000 პაციენტს შეადგენს. ვირუსის ეპიცენტრად ისევ ევროპა რჩება- 24 მარტს უკანასკნელ 24 საათში იტალიაში 743 ადამიანი გარდაიცვალა და დაინფიცირების 5249 შემთხვევა აღინიშნა.

შექმნილი ვითარების ფონზე მსოფლიოს სახელმწიფოების მთავრობებმა მიიღეს გადაწყვეტილება, რომ გაზარდონ კარანტინის ვადა. მალაიზიის პრემიერ-მინისტრის თქმით, იზოლაცია 14 აპრილამდე გასტანს. სამხრეთი კორეის გადაწყვეტილებით, ისინი გაუგზავნიან სამედიცინო აღჭურვილობას აშშ-ში. უმძიმესი მდგომარეობაა აგრეთვე ესპანეთშიც, სადაც დაღუპულთა რიცხვი ყოველდღიურად რამდენიმე ასეულს აჭარბებს- უკვე თითქმის 3000 ადამიანი დაიღუპა კოვიდ 19-ის ვირუსისგან, ხოლო 2500-ზე მეტი ისევ კრიტიკულ მდგომარეობაში იმყოფება- მათ უმრავლესობას მწვავე რესპირატორული სიმპტომები აღენიშნებათ და ხელოვნური სუნთქვის აპარატზე არიან მიერთებულნი.


წყარო:newposts.ge