"18 ივნისიდან არანაირი ახალი საქმის წამოწყება, ქორწინება, ან ნიშნობა, არ აიღოთ ვალები..." - რაზე გვაფრთხილებს ასტროლოგი
ასტროლოგი ხათუნა ნოელი 18 ივნისიდან 12 ივლისამდე პერიოდში მოსალოდნელი ტენდენციების შესახებ წერს და რჩევებს გვიზიარებს:
"18 ივნის კირჩხიბის 15°-ზე მერკური გახდება უკუსვლითი. იქამდე კი სტაციონარულია, ანუ გაჩერებულია ჯიუტად და ადგილიდან არ იძვრის.
როგორც ხვდებით, ეს ყველაფერი ოპტიკური ილუზიაა და სინამდვილეში მერკურიც ისევე აგრძელებს თავის ორბიტაზე სვლას, როგორც სხვა პლანეტები, თუმცა რადგან დედამიწელებისათვის ცაზე ასე ჩანს, ჩვენ კი ვიცით რომ "რაც ზევითაა. ისაა ქვევითაც", მერკურის რეტროგრადულობის პერიოდში არ ღირს:
არანაირი ახალი საქმის წამოწყება, მათ შორის საკუთარი ბიზნესისაც. შეგიძლიათ მიუბრუნდეთ მხოლოდ ძველს, და განაახლოთ.
ახალ სამსახურში არ გადავდივართ. ძველში თუ გიხმობენ დაბრუნდიო - ეგ შეიძლება.
არ შეიძლება მნიშვნელოვანი ხელშეკრულებების და საბუთების გაფორმება, არც სასამართლოში შეგაქვთ საჩივარი, არც რეესტრში განცხადება. მოითმინეთ ცოტა ხანი.
არ აიღოთ ვალები, შეეშვით კრედიტების გაფორმებას. დაბრუნება კი ბატონო - შეგიძლიათ.
არანაირი შორეული მოგზაურობები, ახლოსაც კი სწორი დრო უნდა შეირჩეს, მაქსიმალურად ხელსაყრელი.
რა ქორწინება, რის ნიშნობა - გადადეთ!
არ ვყიდულობთ ტექნიკას, არც მანქანებს. ჯერ არც არაფერს ვყიდით. მობილური გაგიფუჭდათ? ითხოვეთ მეგობრისგან ძველი დროებით.
ახალ ნაცნობობებზე დიდ იმედებს ნუ დაამყარებთ. თავში მოსული ბრწყინვალე იდეების ერთბაშად განხორციელებასაც ნუ შეეცდებით. ჩაიწერეთ - მერე გადახედავთ.
სწავლის დაწყებაც არარეკომენდებულია!
სამედიცინო კვლევებში შესაძლოა შეცდომები. გადადეთ.
რა იყო, არც ვისუნთქოთო? იკითხავს ალბათ ზოგიერთი. ისუნთქეთ, თანაც ღრმად. რამდენადაც პირბადე გაგიშვებთ (ეგ უკვე ჩემთან გადასაწყვეტი არაა).
ამ ყველაფრის გაკეთება ეკრძალებათ დირექტული მერკურის პატრონებს. რეტრო მერკურიანელები კი აჩქარდით - უნდა მოასწროთ 12 ივლისამდე და ჩაეტიოთ მჭიდრო ვადებში.
დანარჩენები ძველი საქმეების დასრულებით ვართ დაკავებულები".
წყარო:astrologi.ambebi.ge
