სალომე ზურაბიშვილი ნატოს გენმდივანს, იენს სტოლტენბერგს შეხვდება
22 იანვარს ნატოს გენერალური მდივანი, იენს სტოლტენბერგი საქართველოს პრეზიდენტს, სალომე ზურაბიშვილს ბრიუსელში, ნატოს შტაბბინაში შეხვდება.
შესაბამისი ინფორმაცია იენს სტოლტენბერგის პრესსპიკერმა ტვიტერზე გაავრცელა.
სალომე ზურაბიშვილი ბრიუსელში ნატო-საქართველოს კომისიას დაესწრება.
შეხვედრის შემდეგ მხარეები მედიისთვის განცხადებებსაც გააკეთებენ, პრესკონფერენცია თბილისის დროით 16:15 საათზეა ჩანიშნული.
