პირველი აპრილიდან საბავშვო-გასართობი ცენტრები და კინოთეატრები გაიხსნება
პირველი აპრილიდან საქართველოში საბავშვო-გასართობი ცენტრები და კინოთეატრები გაიხსნება. ამის შესახებ მთავრობის ადმინისტრაციის ხელმძღვანელმა ილია დარჩიაშვილმა საკოორდინაციო საბჭოს სხდომის დასრულების შემდეგ ბრიფინგზე განაცხადა.
„პირველი აპრილიდან ქვეყანაში რეგულაციების სრული დაცვით საბავშვო-გასართობი ცენტრები და კინოთეატრები გაიხსნება“, - აღნიშნა ილია დარჩიაშვილმა.
მისივე თქმით, 18 მარტიდან ქვეყნის მასშტაბით დასაშვები იქნება ცოცხალი მუსიკა კვების ობიექტებში.
