"არ დატოვო შენი სახლი, არსად წახვიდე..."- დათა პაპას ბოლო სიტყვები
"არ დატოვო შენი სახლიო, ქართველები დაგვეხმარებიანო" - ეს იყო ბოლო სიტყვები, რაც დათა ვანიშვილმა სიკვდილის წინ ცოლს დაუბარა.
"ბოლო სიტყვები რაც მითხრა, არ დატოვო შენი სახლიო. არსად წახვიდე, სახლი არ წაგვართვანო. არ წახვიდე, ფეჩთან დაჯექი, ქართველები დაგვეხმარებიანო", - ამბობს ვალია ვანიშვილი.
88 წლის დათა პაპა, რომელიც ხურვალეთში, საოკუპაციო ხაზთან ცხოვრობდა დღეს გარდაიცვალა.
