"ოჯახის ცხოვრება“ - პატრიარქმა პროტოპრესვიტერს წიგნის დაწერა დაავალა
პატრიარქმა ილია მეორემ პროტოპრესვიტერ გიორგი ზვიადაძეს ოჯახის ცხოვრების შესახებ წიგნის დაწერა დაავალა.
"სიონის საპატრიარქო ტაძარს, პროტოპრესვიტერს მამა გიორგის – ვავალებ მისი თაოსნობით დაიწეროს წიგნი "ოჯახის ცხოვრება", სადაც წარმოჩენილი იქნება როგორ მოუაროს მშობელმა შვილებს და შვილებმა – მშობლებს, როგორ იმკურნალონ, როგორ იშრომონ.
ეს უნდა იყოს გასაგები ენით, ამავე დროს – მეცნიერულად გამართული.
უნდა შედგეს გეგმა, სადაც საუბრები იქნება მედიცინაზე, თავის მოვლაზე, ჰიგიენაზე, სისუფთავეზე, წესრიგზე ოჯახში.
თქვენ იცით რომ ხშირი შემთხვევაა ცოლ-ქმრის დაშორებისა, ამბობენ, რომ ხასიათებით ვერ ვთავსდებითო. ადამიანმა უნდა მოითმინოს, უნდა დაუთმოს, ადამიანმა უნდა იცოდეს, ოჯახის ფასი", - აღნიშნა ქადაგებისას პატრიარქმა.
