„უარესი სცენარისთვის უნდა მოვემზადოთ“ - თეა გოდოლაძე ნუცუბიძე-ვაშლიჯვრის გზის მეწყრულ პროცესზე
„სისტემა დაძრულია და მოძრაობს 5 სანტიმეტრით დღეში, ეს არ არის ცოტა,“ - ამის შესახებ დედამიწის შემსწავლელი მეცნიერებათა ინსტიტუტის დირექტორმა, თეა გოდოლაძემ განაცხადა.
მისი თქმით, უარესი სცენარისთვის უნდა მოვემზადოთ.
„უნდა მოვემზადოთ უარესი სცენარისთვის. ყველა სცენარი უნდა გავითვალისწინოთ იმისთვის, რომ პასუხისმგებელნი ვიყოთ მოსახლეობასთან და ქვეყანასთან.
ჯერჯერობით გვაქვს 18 მეტრი. მეწყერზე არავითარი სამშენებლო სამუშაოები არ უნდა დაიწყოს,“ - აღნიშნავს გოდოლაძე.
