რა სიჩქარით მოძრაობს მეწყერი ვაშლიჯვარი-ნუცუბიძის ტერიტორიაზე?
დედამიწის შემსწავლელ მეცნიერებათა ინსტიტუტმა ნუცუბიძე-ვაშლიჯვრის ტერიტორიაზე დაწყებული მეწყრული პროცესების შესახებ პირველადი კვლევის შედეგები გამოაქვეყნა.
ინსტიტუტის ხელმძღვანელის თეა გოდოლაძის განცხადებით, მეწყერის გადაადგილების სიჩქარე დღეში 5სმ-ია, ამიტომ, აუცილებელია, დაუყონებლივ შეჩერდეს სამშენებლო სამუშაოები:
"არავითარ შემთხვევაში აქ მსგავსი სამშენებლო ჩარევა არ უნდა მომხდარიყო. სისტემა დაძრულია და მოძრაობს მეწყრის ტანის მოძრაობის სიჩქარე არის 5-სმ დღეში. ეს ჩვენთვის საკმაოდ დიდი ციფრია. ჩვენ ახლა ვაპირებთ აჩქარების გაზომვას, იქნებ პირველი შედეგები დავდოთ" - განაცხადა გოდოლაძემ.
