დაპირისპირება ჭყონდიდის ეპარქიაში - მეუფე სტეფანე ბალდის მონასტრიდან გამოაგდეს
მარტვილის ეპარქიაში სასულიერო პირთა დაპირისპირება გრძელდება - მეუფე სტეფანე ბალდის ტაძარში განკვეთილ დიაკვნებთან სალაპარაკოდ გაუფრთხილებლად მივიდა, რასაც დიაკვნების პროტესტი და დაპირისპირება მოჰყვა.
სასულიერო პირები მღვდელმთავრის განჩინებას არ ემორჩილებიან, რომლის მიხედვითაც მათ საღვთო მსახურება აკრძალული აქვთ. მრევლი ითხოვს, დასჯილი მამების, მათ შორის ბალდის მონასტრის მამა ათენოგენს ტაძარში მსახურების უფლება აღუდგეს.
მეუფე სტეფანეს მის თანმხლებ პირებთან ერთად ტერიტორია მალევე დაატოვებინეს. ისინი კრიმინალური პოლიციის თანმხლებით გავიდნენ ტაძრის ტერიტორიიდან.
