ირმა სოხაძე: ხელისუფლებისადმი თბილად განწყობილი საზოგადოება ვიჩაგრებით
მომღერალი ირმა სოხაძის განცხადებით, "ნაციონალურ მოძრაობასთან" დაახლოებული პირებიბი უფრო კარგ დღეში არიან.
"ვინც "ნაციონალების" მხარესაა, იმ ხელოვანებს უფრო ეძახიან კონცერტებზე იმის შიშით, რომ რამე არ თქვან, ჩვენ კი, ხელისუფლებისადმი თბილად განწყობილი საზოგადოება ვიჩაგრებით. სწორედ იმის შიშით, რომ არავინ დააბრალოს, ესენი არ დევნიან ნაციონალების აპოლოგეტებს და მათთან აფილირებულ ხელოვანებს, ყველგან ისინი არიან.
ხელისუფლებას აქვს შიში, ვიმეორებ შიში, რომ არ დაბრალდეს ამ ხელოვანების დევნა, ყველგან ესენი ჰყავთ. ჩვენ ნეიტრალური და უფრო ხელისუფლებისკენ სიმპათიით განმსჭვალული ადამიანები გაცილებით უფრო მეტად ვიჩაგრებით. მე ამას პირში ვეუბნები ამათაც და იმათაც. რა კარგ დღეში არიან ნაციონალებთან დაახლოებული ხელოვანები - იქაც კარგად არიან და აქაც" - განაცხადა მომღერალმა ირმა სოხაძემ გამოცემა CNews-სთან საუბრისას.
