ნამდვილი სვანური კუბდარი

გთავაზობთ სვანური სამზარეულოს ერთ-ერთ საოცრებას.
როგორ მოვამზადოთ კუბდარი სწორად...

ახალგაზრდა საქონლის ან ღორის ზომიერად ცხიმიანი ხორცი (ან შერეული 50/50) - 1,5 კგ
ხახვი - 1 მოზრდილი
ნიორი - 3-4 კბილი
ხმელი სუნელები (ქინძი, კამა, უცხო სუნელი, გიცრული/ძირა) - ჯამში 2 სკ
მარილი და წიწაკა - გემოვნებით
ცომი
თბილი წყალი - 1,2 ლ
საფუარი - 1 სკ
მარილი - 1/2 ჩკ
ფქვილი - რასაც შეიზელს

მომზადების წესები


თბილ წყალში გავხსნათ საფუარი და მოვზილოთ ცომი, მაგრამ უფრო მაგარი, ვიდრე ხაჭაპურის შემთხვევაში. ცომში ასევე შეიძლება კარაქის ან მარგარინის შეზელა (50 გ).
დავდგათ თბილ ადგილას ასაფუებლად.

ამასობაში ხორცი დავკეპოთ თანაბარი, საშუალო ზომის ნაჭრებად (თუ ხორცი ახალგაზრდა და რბილი არ არის, უმჯობესია ხის ჩაქუჩით დავბეგვოთ),დავუმატოთ ძალიან წვრილად დაჭრილი ხახვი, ნიორი და სუნელები.

განსაკუთრებული სიფრთხილეა საჭირო სუნელებით შეზავებისას: 4 სუნელიდან ყველაზე დიდი რაოდენობით აიღეთ ხმელი ქინძი, საშუალო რაოდენობით – უცხო სუნელი და შედარებით მცირე-მცირე რაოდენობით – კამა და გიცრული (გიცრული სვანეთში იზრდება და თითქმის იგივეა, რაც ძირა, ამიტომ შეგიძლიათ თამამად ჩაანაცვლოთ.) ჯამში სუნელებმა უნდა შეადგინოს დაახლ. 2 სუფრის კოვზი.

ბოლოს ვამატებთ მარილს და წითელ წიწაკას გემოვნებით და ხელით ვურევთ კარგა ხანს, რომ ხორცს სუნელები გაუჯდეს და გაიჟღინთოს.

გემრიელად მიირთვით.