ფოთში ექთანი კორონავირუსით მეორედ ინფიცირების შემდეგ გარდაიცვალა
კორონავირუსით, ფოთის საგანგებო სიტუაციების კოორდინაციისა და გადაუდებელი დახმარების ცენტრში მომუშავე ექთანი გარდაიცვალა.
როგორც ცენტრში აცხადებენ, 48 წლის ექთანს 8 თვის განმავლობაში, COVID-19 ორჯერ დაუდასტურდა. ბოლო ინფიცირების დროს მდგომარეობა უეცრად დამძიმდა, რის გამოც მისი გადარჩენა ვერ მოხერხდა.
ექთანი ბოლო ათი დღის განმავლობაში თბილისის პირველ საუნივერსიტეტო კლინიკაში იყო მოთავსებული და მკურნალობის კურსს გადიოდა.
სამეგრელო-ზემო სვანეთის რეგიონში, კორონავირუსის 149 ახალი შემთხვევა გამოვლინდა. გამოჯანმრთელდა 117 ადამიანი. რეგიონში მოქმედ კოვიდკლინიკებში 273 ინფიცირებული მკურნალობს. საკარანტინო სივრცეში კი 8 პირი იმყოფება.