ღაზას სექტორში კონფლიქტის მსხვერპლთა რაოდენობა გაიზარდა
პალესტინური მხარის ინფორმაციით, ისრაელის ავიაიერიშების შედეგად დაღუპულ ადამიანთა რაოდენობა 56-მდე გაიზარდა.
პალესტინის ჯანდაცვის სამინისტროს ცნობით, დაღუპულთა შორის 14 ბავშვი და 5 ქალია. რაც შეეხება დაშავებულთა რაოდენობას, ის 335-ს აღწევს.
შეგახსენებთ, რომ გუშინ, 11 მაისს პალესტინურმა დაჯგუფება "ჰამასმა" ისრაელის მიმართულებით 1000 რაკეტაზე მეტი გაუშვა.
ისრაელის ხელისუფლების ცნობით, განმეორებითი იერიში მოსალოდნელია, ისინი მოქალაქეებს თავშესაფრებში ყოფნისკენ მოუწოდებენ.
