ოკუპირებული აფხაზეთის სანაპიროსთან ზღვაში ნაღმი აღმოაჩინეს
ოკუპირებული აფხაზეთის სანაპიროსთან, გუდაუთის მახლობლად ზღვაში ნაღმი აღმოაჩინეს. ამის შესახებ Apsadgil.info იუწყება.
ე.წ. საგანგებო სიტუაციების სამინისტროს წარმომადგენლები ვარაუდობენ, რომ ნაღმი იქ 1992-1993 წლის ომის შემდეგ დარჩა. ე.წ. სამინისტროს წარმომადგენლებმა ნაღმი წყლიდან ამოიღეს. ამის შემდეგ მიმდებარე ტერიტორიის დათვალიერება მოხდა.
ნაღმი რუს გამნაღმველებს შემდგომი უტილიზაციისთვის გადაეცა.
