გერმანიაში საკვებ პროდუქტებზე ფასი 40%-ით გაიზარდა
კორონავირუსის პანდემიით გამოწვეული ეკონომიკური კრიზისის ფონზე, გერმანიაში, საკვებ პროდუქტებზე ფასები 40%-მდე გაიზარდა. ამის შესახებ ადგილობრივი მედია წერს.
გერმანული მედიის ცნობით, მკვეთრად გაიზარდა ფასები პომიდორზე, რაფსზე და სხვა ბოსტნეულზე.
პომიდორი გასულ წელთან შედარებით 42,6%-ით გაძვირდა. მცენარეთა და ყვავილების ფასები ერთი მეხუთედით გაიზარდა. მარცვლეულის ფასმა დაახლოებით მეხუთედით მოიმატა. რაფსის ფასი 39,6 პროცენტით გაიზარდა.
