სომეხი დეპუტატის, არმან ბაბაჯანიანის ავტომობილი დაცხრილეს
სომხეთის საარჩევნო ბლოკის, „დემოკრატთა ალიანსის შირინიან-ბაბაჯანიანის“ წევრის, დეპუტატ არმან ბაბაჯანიანის ავტომობილი დაცხრილეს.
გასროლის შედეგად დაზიანდა მანქანის საქარე მინა. პოლიტიკოსი მომხდარში ვადამდელი არჩევნების კონკურენტებს ადანაშაულებს.
ერევნის პოლიციაში აცხადებენ, რომ ყველა გარემოების გამოსარკვევად, ოპერატიულ-სამძებრო ღონისძიებები ტარდება.
შეგახსენებთ, რომ დღეს სომხეთში ვადამდელი საპარლამენტო არჩევნები მიმდინარეობს.