"შეხედეთ ამ არსების ორმაგ სახეს - ჯერ შეშლილი მოძალადის და შემდეგ ცინიკურ ღიმილაწებებული მოძალადის" - ნიკა გვარამია თეა წულუკიანზე
ვიცე-პრემიერის, კულტურის მინისტრის, თეა წულუკიანის მიერ "მთავარი არხის" ჟურნალისტისთვის მიკროფონის წართმევის ფაქტს არხის გენერალური დირექტორი, ნიკა გვარამია ეხმაურება.
"მეგობრებო, შეგვიძლია ვთქვათ, რომ ეს უკვე ფსიქიატრიაა და მართალიც იქნება. მაგრამ, უბრალოდ შეხედეთ ამ არსების ორმაგ სახეს - ჯერ შეშლილი მოძალადის და შემდეგ ცინიკურ ღიმილაწებებული მოძალადის. ასეთი სიზუსტით არაფერი არ გადმოსცემს ქართული ოცნების სახეს", - წერს ნიკა გვარამია.
