საბერძნეთში ხანძარს ისევ ებრძვიან
Kathimerini - ის ინფორმაციით, საბერძნეთში ტყის ხანძრების შედეგად მიყენებულ ზარალს ითვლიან, ხოლო ზოგიერთ ნაწილში სტიქია ისევ მძვინვარებს.
წინასწარი შეფასებით ხანძრების შედეგად, სულ მცირე, 1,300 სახლი დაზიანდა, აქედან 300 მთლიანად განადგურდა. 9 დღეში ცეცხლმა 84,500 ჰექტარი მიწა დაწვა.
მთავრობამ პირობა დადო, რომ დაზარალებულთა კომპენსაციის პროცედურები სწრაფი იქნება.
ხანძრები გრძელდება სამხრეთ საბერძნეთში, არკადიაში.
