გორში ავარიას ფოტოგრაფი ემსხვერპლა, მას ორსული მეუღლე და მცირეწლოვანი შვილი დარჩა
9 ოქტომბერს გორში ქორწილის კორტეჟი ავარიაში მოჰყვა, რის შედეგადაც ორი ადამიანი დაიღუპა.
გარდაცლილები არიან 18 წლის თაზო მურადაშვილი და 27 წლის ფოტოგრაფი მიშო ვანიშვილი. ამ უკანასკნელს ორსული მეუღლე და მცირეწლოვანი შვილი დარჩა.
მიშო ვანიშვილთან დაკავშირებით სამძიმრის წერილს გორის მუნიციპალიტეტის სპორტის განვითარებისა და ხელშეწყობის სააგენტო ავრცელებს.
"გორის მუნიციპალიტეტის სპორტის განვითარებისა და ხელშეწყობის სააგენტომ, ძალიან მძიმე დანაკლისი განიცადა.
ავტოსაგზაო შემთხვევისას, ჩვენი ნიჭიერი, კეთილშობილი და შრომის მოყვარე თანამშრომელი - მიშო ვანიშვილი დაიღუპა. ადამიანი, რომელსაც ძალიან უყვარდა თავისი საქმე და გამუდმებით ზრუნავდა პროფესიული თვალსაზრისით განვითარებაზე. ზრუნავდა ოჯახზე, მეგობრებზე და ცდილობდა გვერდში დადგომოდა ყველას, რითაც ხელეწიფებოდა.
მისი გარდაცვალებით, ჩვენ გულკეთილი ადამიანი, კარგი მეგობარი და მაღალი დონის პროფესიონალი დავკარგეთ.
ვუსამძიმრებთ მიშო ვანიშვილის ოჯახს და ახლობლებს, ამ ძალიან მძიმე და აუნაზღაურებელ დანაკლისს.
... დაუმკვიდროს ღმერთმა სასუფეველი ჩვენს მიშოს", - ნათქვამია სამძიმრის წერილში.
