ბუნებრივი აირის მიწოდება დროებით შეწყდება
ბაკურიანის გაზგამანაწილებელ სადგურზე „გაზის ტრანსპორტირების კომპანია“ დღეს სარემონტო-აღდგენით სამუშაოებს გეგმავს. აქედან გამომდინარე, 10:00-დან 16:00-საათამდე ბაკურიანის მომხმარებლებს ბუნებრივი გაზის მიწოდება შეეზღუდებათ.
„შპს „საქართველოს გაზის ტრანსპორტირების კომპანია“ სისტემატურად ახორციელებს გაზსადენებისა და გაზგამანაწილებელი სადგურების სარემონტო-სარეაბილიტაციო სამუშაოებს, რაც უზრუნველყოფს მომხმარებლების უსაფრთხო, საიმედო და უწყვეტ გაზმომარაგებას“, - ნათქვამია „გაზის ტრანსპორტირების კომპანიის“ მიერ გავრცელებულ განცხადებაში.
