"მიწა დაგაყარეთ ორივეს! ვირუსის გავრცელების ბუდეები ხართ“ - გიორგი ფხაკაძე "ოცნებას" და ოპოზიციას მიმართავს
„მიწა დაგაყარეთ ორივეს! ვირუსის გავრცელების ბუდეები ხართ“, - ასე მიმართავს საზოგადოებრივი ჯანდაცვის ექსპერტი, პროფესორი გიორგი ფხაკაძე მმართველ და ოპოზიურ პარტიებს, რომლებმაც 27 ოქტომბერს თბილისსა და ზუგდიდში მრავალათასიანი აქციები გამაღთეს.
მიტინგი კარგია, მაგრამ ლოგიკა გაქვთ? ადამიანები მოდიან ავტობუსებით, საათობით. თქვენ ახლა გგონიათ, იქ პირბადეები უკეთიათ? მეტი არაა ჩემი მტერი. გეუბნებით, მიწა დაგაყარე ორივეს ("ნაციონალური მოძრაობა" და "ქართული ოცნება"), ვინ ხართ საერთოდ? შემოგზავნილები ხართ? ვირუსის გავრცელების ბუდეები ხართ. ჯანდაცვის ყველა ექსპერტს გეუბნებით, წყალში ჩაგეყარათ ყველაფერი. "ნაციონალური მოძრაობის" და "ქართული ოცნების" ჯანდაცვის ექსპერტები კანალიზაციას გაგაყოლეთ ორივეს. როგორ მიეცით ამათ ამისი საშუალება? ეს ხალხი რომ ჩამოვიდა რაიონებიდან - მიკროავტობუსში ზის 10 კაცი, ერთს რომ ჰქონდეს ვირუსი გადასდებს მთელ "მარშუტკას", ის ჩამოვა თბილისში და გადასდებს სხვებს. 50 კაცი ხომ კვდება ახლა დღეში? ნახეთ რა იქნება ორ კვირაში“, - ამბობს ფხაკაძე.