ოსპის სალათა
ოსპი ძალიან სასარგებლო მარცვლეულია. მას ადრე ღარიბების ხორცს უწოდებდნენ, რადგან დიდი რაოდენობით ცილას და ბ ჯგუფის ვიტამინებს შეიცავს, ამასთანავე ნოყიერია და ორგანიზმიც ადვილად ითვისებს.
ინგრედიენტები:
ყავისფერი ოსპი - 1 ჭ. (ჭიქა = 250 მლ)
პამიდორი - 2
კიტრი - 2
სტაფილო - 1
წითელი ხახვი - 1
მარილი და პილპილი
ოხრახუში
რეჰანი, ბაზილიკი ან შაშკვლავი
ზეითუნის ზეთი - 3 ს.კ
ძმარი - 1 ს.კ
მომზადების წესები:
ოსპს დავასხათ ორი ჭიქა წყალი და მოვხარშოთ. რომ დარბილდება, გადავწუროთ და ცივი წყალი გადავავლოთ.
სტაფილო გავხეხოთ, კიტრი და პამიდორი კუბებად დავჭრათ. თუ პამიდორი ძალიან წვნიანია, ზედმეტი წვენი და თესლები ამოვაცალოთ. ხახვი ნახევარრგოლებად, მწვანილი წვრილად დავჭრათ.
ყველაფერი ერთად ავურიოთ, დავუმატოთ მარილი, პილპილი, ზეთი და ძმარი.
სასარგებლო და მარტივი სალათა მზადაა.
gemrielia.ge
