ლეღვის ნახარშის გამოყენება და დამწვრობის მიღება ერთი და იგივეა - რას აცხადებს გუგა ქაშიბაძე ლეღვის ნახარშზე?
დამწვრობის ცენტრის ხელმძღვანელი, გუგა ქაშიბაძე იმედოვნებს, რომ წელს ლეღვის ფოთლების ნახარშით დამწვრობის შემთხვევა აღარ იქნება.
როგორც “იმედის” ეთერში ქაშიბაძემ განაცხადა, ლეღვის ნახარშის გამოყენება და დამწვრობის მიღება ერთი და იგივეა.
“ლეღვის ფოთლების ნახარში და რუჯი ერთმანეთთან საერთოდ არ არის კავშირში. მინდა, ხაზი გავუსვა, რომ ამ ნახარშის გამოყენება და დამწვრობის მიღება ერთი და იგივეა. რუჯის ეფექტს ვერანაირად ვერ მივიღებთ“, – აღნიშნა დამწვრობის ცენტრის ხელმძღვანელმა.
