ეგვიპტეში, ტაძარში გაჩენილ ხანძარს 40-ზე მეტი ადამიანი ემსხვერპლა
იმბაბაში, აბუ სიფინის ტაძარში გაჩენილი ხანძრის შედეგად, 41 ადამიანი დაიღუპა და 55 დაშავდა. ინფორმაცია ადგილობრივ მედიაში ვრცელდება.
მედიის ცნობით, ეკლესიაში 5 000-მდე ადამიანი იმყოფებოდა.
წინასწარი ინფორმაციით, ხანძარი ელექტროგაყვანილობის გაუმართაობამ გამოიწვია, რასაც ჭყლეტა მოჰყვა.
დაშავებულები ახლომდებარე საავადმყოფოებში გადაიყვანეს.