აშშ-ის კონგრესის დელეგაცია ტაივანში ჩავიდა
ამერიკის შეერთებული შტატების კონგრესის დელეგაცია ტაივანში ჩავიდა. ამის შესახებ ინფორმაციას BBC ავრცელებს.
გამოცემის ინფორმაციით, დელეგაციას დემოკრატი სენატორი ედ მარკი ხელმძღვანელობს. დელეგაციაში კონგრესის 5 წევრი შედის.
ორშაბათს დელეგაციის წევრები ტაივანის პრეზიდენტს შეხვდებიან.
ცნობისთვის, 2 აგვისტოს აშშ-ის წარმომადგენელთა პალატის სპიკერი ნენსი პელოსი ტაივანში ჩავიდა, რასაც ჩინეთის მთავრობის მხრიდან მწვავე კრიტიკა მოჰყვა. პელოსის ვიზიტის შემდეგ ჩინეთმა ტაივანთან მასშტაბური სამხედრო წვრთნები დაიწყო.