„თვითონ არჩინონ ოჯახი 90 თეთრით, ერთი დღე მაინც იარსებონ ამ ცხოვრებით" - მევენახეები ყურძნის ფასზე
2022 წლის რთველი იწყება. სახელმწიფოს მიერ ყურძნის ფასი 90 თეთრით განისაზღვრა, რაც გლეხების უკმაყოფილების მიზეზი გახდა.
მევენახეები ამბობენ, რომ ყურძენზე დაწესებული ეს ფასი დაცინვაა, რადგან, მათი თქმით, ეს იმდენად მიზერული ფასია, რომ მიღებული მოსავალი გაწეულ ხარჯებს ვერ აანაზღაურებს.
მევენახეების ნაწილი არ გამორიცხავს, რომ შესაძლოა, ვენახის გაჩეხვაც კი მოუწიოს.
"სრული დაცინვაა... თვითონ არჩინონ ოჯახი 90 თეთრით, ერთი დღე მაინც იარსებონ ამ ცხოვრებით" - ამბობენ მევენახეები „მთავარ არხთან“.
