2 წლამდე გოგონა მამამ მანქანით გაიტანა, ბავშვი ადგილზე დაიღუპა - რა მოხდა იტალიაში?
მცირეწლოვან გოგონას საკუთარი მამა დაეჯახა, რის შედეგადაც ბავშვი დაიღუპა. ტრაგიკული შემთხვევა იტალიაში, ვენეციაში მოხდა. ინფორმაციას ადგილობრივ მედიაზე დაყრდნობით exclusivetv.ge ავრცელებს.
გამომძიებელთან დაახლოებული წყაროების თქმით, 1 წლის და 8 თვის გოგონას კაცი მაშინ დაეჯახა, როდესაც ავტომობილს უკუსვლით მართავდა.
მორიგე პროკურორის მიერ კოორდინირებული კარაბინიერები შემთხვევის დეტალების დადგენას ცდილობენ. შემთხვევის ადგილზე დროულად მივიდნენ მესტრეს „Suem 118“, ვერტმფრენი პადუას საავადმყოფოდან, თვითმკურნალი და დოლოს საავადმყოფოს სასწრაფო დახმარების მანქანა, რომლის ექიმები ამაოდ ცდილობდნენ ბავშვის რეანიმაციას. დაზიანებები სერიოზული აღმოჩნდა.
