გამოცდების ეროვნული ცენტრი ინფორმაციას ავრცელებს
საქართველოს უმაღლეს სასწავლებლებში სწავლის გაგრძელების მსურველთა რეგისტრაცია 22 აგვისტოს დასრულდება - ამის შესახებ ინფორმაციას ეროვნული ცენტრი ინფორმაციას ავრცელებს.
"შეფასებისა და გამოცდების ეროვნული ცენტრი უცხო ქვეყნების უმაღლესი საგანმანათლებლო დაწესებულებებიდან საქართველოში სწავლის გაგრძელების მსურველებს კიდევ ერთხელ შეახსენებს, რომ მათ საშუალება აქვთ 22 აგვისტოს 18:00 საათამდე მომართონ განცხადებით შეფასებისა და გამოცდების ეროვნულ ცენტრს რეგისტრაციის თაობაზე.
გამოცდა ჩატარდება პირველ სექტემბერს. დეტალური ინფორმაცია გამოცდის დაწყებისა და საგამოცდო ცენტრის მისამართის თაობაზე რეგისტრაციის დასრულების შემდეგ გამოქვეყნდება“, - ნათქვამია ინფორმაციაში.
