კომპიუტერული ტომოგრაფიის და მაგნიტორეზონანსული გამოსახვის გაკეთება დაგვიანდა... - სააკაშვილის ნევროლოგი
ნევროლოგ ოთარ თოიძის ინფორმაციით, ექსპრეზიდენტ მიხეილ სააკაშვილს კომპიუტერული ტომოგრაფიის და მაგნიტორეზონანსული გამოსახვის გაკეთება დაუგვიანდა.
„მისი კომპიუტერული ტომოგრაფიის და მაგნიტორეზონანსული გამოსახვის გაკეთება დაგვიანდა დაახლოებით 5-6 თვით, რამაც ძალიან დაგვხია უკან. ახლა საჭიროა, ინახოს ის ცვლილებები, რომელიც რამდენიმე თვის წინ იყო ნანახი რა მდგომარეობაშია დღეს, გვაქვს თუ არა მასთან ბრძოლის პერსპექტივა, თუ მკურნალობა უიმედოა. გარდა ამისა კვლევების ჩატარება არის ამერიკელი ექსპერტების მოთხოვნა, მათ სჭირდებათ ახალი მონაცემები“, - აცხადებს ოთარ თოიძე.
