შოთა არველაძე მსოფლიო ვარსკვლავებთან ერთად საქველმოქმედო მატჩში ითამაშებს
ვეტერანი ფეხბურთელი, შოთა არველაძე ხვალ, 14 ნოემბერს, რომში „სტადიო ოლიმპიკოზე", მსოფლიო ფეხბურთის ვარსკვლავებთან ერთად საქველმოქმედო მატჩში ითამაშებს. ინფორმაციას არველაძე სოციალურ ქსელში ავრცელებს.
მატჩი დიეგო მარადონას ხსოვნას ეძღვნება და მისი ორგანიზატორი იტალიური საქველმოქმედო ორგანიზაცია „ვთამაშობთ მშვიდობისთვის" არის.