საქართველოს ნაკრები მაროკოსთან დამარცხდა
საქართველოს ეროვნულმა ნაკრებმა მაროკოსთან ამხანაგური მატჩი გამართა და ანგარიშით - 3:0 დამარცხდა.
ანგარიში მე-5 წუთზე იუსუფ ენ-ნესირიმ გახსნა, 29-ე წუთზე მაროკოელთა ლიდერმა ჰაკიმ ზიეშმა საქართველოს ნაკრების კაპიტნის, გურამ კაშიას შეცდომით ისარგებლა და კარიდან გამოსულ გიორგი მამარდაშვილს ცენტრიდან გაუტანა, საბოლოო ანგარიში კი სოფიან ბუფალმა 72-ე წუთზე ხელით თამაშის გამო დანიშნული თერთმეტმეტრიანით დააფიქსირა.
ამ მარცხით საქართველოს ნაკრების 11-მატჩიანი წაუგებელი სერია დასრულდა. ჩვენი გუნდი მომდევნო მატჩებს 2023 წელს გამართავს.
