ისტორიას ახსოვს 11 ქართველი ფეხბურთელი, რომელმაც "ბარსელონას" წინააღმდეგ ითამაშა. უკანასკნელი ასეთი იყო გიორგი ქოჩორაშვილი, რომელიც ლა ლიგის უკანასკნელ ტურში კატალონიელების წინააღმდეგ ბოლო წუთებზე გამოვიდა. გავიხსენოთ დანარჩენები:

დავით ჩალაძე, ალექსანდრე რეხვიაშვილი, ლევან სილაგაძე - ბარსელონა 3:2 სკონტო, სკონტო 0:1 ბარსელონა - 1997/1998 - ჩემპიონთა ლიგის შესარჩევი

თემურ ქეცბაია - ნიუკასლი 3:2 ბარსელონა, ბარსელონა 1:0 ნიუკასლი - 1997/1998 - ჩემპიონთა ლიგის ჯგუფური ეტაპი

გიორგი დემეტრაძე - სოსიედადი 0:2 ბარსელონა - 2001/2002 - ლა ლიგა

კახა კალაძე - ბარსელონა 2:1 მილანი - 2004/2005 - ჩემპიონთა ლიგის ჯგუფური ეტაპი, მილანი 0:1 ბარსელონა, ბარსელონა 0:0 მილანი - 2005/2006 - ჩემპიონთა ლიგის 1/2 ფინალი

ლევან კობიაშვილი - შალკე 0:1 ბარსელონა, ბარსელონა 1:0 შალკე - 2007/2008 - ჩემპიონთა ლიგის 1/4 ფინალი

ლაშა სალუქვაძე - ბარსელონა 1:2 რუბინი, რუბინი 0:0 ბარსელონა - 2009/2010 - ჩემპიონთა ლიგის ჯგუფური ეტაპი, რუბინი 1:1 ბარსელონა - 2010/2011 - ჩემპიონთა ლიგის ჯგუფური ეტაპი

ჯანო ანანიძე - სპარტაკი 0:3 ბარსელონა - 2012/2013 - ჩემპიონთა ლიგის ჯგუფური ეტაპი

ლაშა დვალი - ფერენცვაროში 0:3 ბარსელონა - 2020/2021 - ჩემპიონთა ლიგის ჯგუფური ეტაპი

გიორგი ქოჩორაშვილი - ლევანტე 3:3 ბარსელონა - 2020/2021 - ლა ლიგა

წყარო goal.ge

თელ-ავივ ''ჰაპოელ უმ ალ-ფაჰმის'' ფეხბურთელისთვის ლევან კუტალიასთვის გუშინედელი ღამე რთული გამოვიდა.

ისრაელის მედიის ინფორმაციით, მოძრაობა „ჰამასმა“ თელ ავივის მიმართულებით 130 რაკეტა გაუშვა,რასაც მსხვერპლი მოყვა. ისრაელისა და ღაზის სექტორის საზღვარზე ვითარება 10 მაისს დაიძაბა, როდესაც ღაზის სექტორიდან ისრაელის ტერიტორიის მიმართულებით რაკეტები გაუშვეს.

Crystalsport-ის გუნდი ლევან კუტალიას თელ-ავივში დავუკაშირდით :

„მთელი ღამე გვბომბავდნენ და ვიყავით ბუნკერ ოთახში შესულები. საშინელება იყო აქ ოჯახთან ერთად ვიმყოფები ბავშვების დაწყნარება ადვილი არ იყო იმედი მაქვს დასტაბილურდება სიტუაცია“ - განაცხადა კუტალიამ

კუტალიამ ''ჰაპოელ უმ ალ-ფაჰმის'' მაისურით ისრაელის რანგით მეორე ლიგაში 18 მატჩი ჩაატარა, მის ანგარიშზე 7 გოლია.

Crystalbet ეროვნული ლიგის 2019 წლის სეზონის საუკეთესო ბომბარდირი ''ჰაპოელ უმ ალ-ფაჰმის'' შემადგენლობაში ჩარიცხვამდე ისრაელის უმაღლესი ლიგის თელ-ავივის ''ჰაპოელის'' ფეხბურთელი იყო.

ისრაელის რანგით მეორე ლიგაში 16 გუნდი მონაწილეობს, გათამაშება ორ რვაგუნდიან ჯგუფად გაიყო. ქართველი ლეგიონერის გუნდი მეორე რვაგუნდიან ჯგუფში 39 ქულით მე-5 ადგილზეა და ამ ეტაპზე გასავარდნ ზონას 1 ქულით უსწრებს.

ლა ლიგის 36-ე ტურში „ბარსელონა“ სტუმრად „ლევანტეს“ დაუპირისპირდა და მნიშვნელოვანი ქულები დაკარგა. კუმანის გუნდი 2-ჯერ იგებდა, თუმცა მიზანს ვერ მიაღწია და მატჩი ფრედ, 3-3 დასრულდა.

„ლევანტესა“ და „ბარსელონას“ ჯახი ქართველი გულშემატკივრისთვის განსაკუთრებული გამოდგა. შეხვედრის 90-ე წუთზე ვალენსიელთა ქართველი ფეხბურთელი, გიორგი ქოჩორაშვილი შეცვლაზე შემოვიდა და „ბლაუგრანას“ წინააღმდეგ მოედანზე რამდენიმე წუთი გაატარა. გიომ „ლევანტეს“ ლეგენდა და გოლის ავტორი, ხოსე მორალესი შეცვალა.



შეგახსენებთ, რომ ქოჩორაშვილმა მიმდინარე სეზონის ლა ლიგაში სადებიუტო შეხვედრა „ბეტისის“ წინააღმდეგ ჩაატარა. ქოჩორაშვილი მოედანზე 89-ე წუთზე, მატჩის ერთ-ერთ გმირ ხოსე ლუის მორალესის ნაცვლად შეიყვანეს. იმ დროისთვის საბოლოო ანგარიში უკვე დაფიქსირებული იყო, გიორგის კი მინდორზე 6-7 წუთის გატარება მოუწია და საკუთარ გუნდს, რომელიც უკვე 10 კაცით თამაშობდა, თამაშის გამარჯვებამდე მიყვანაში დაეხმარა. ცნობისთვის, გიორგი ქოჩორაშვილმა 16 დეკემბერს, ესპანეთის თასის მატჩში "მურსიასთან" ასევე შეცვლაზე ითამაშა და თავის პირენეულ კარიერაში პირველი გოლიც გაიტანა. ლა ლიგაში კი მისი დებიუტი გასულ სეზონში, 12 ივლისს, "ბილბაოსთან" შეხვედრისას შედგა.

გამთენიისას გოგა ბითაძემ NBA-ში მორიგი შეხვედრა გამართა და მნშვენელოვანი გამარჯვება მოიპოვა.

„ინდიანამ“ აღმოსავლეთ კონფერენციის ლიდერი „ფილადელფია 76“ ანგარიშით 103:94 დაამარცხა.

ქართველმა კალათბურთელმა პარკეტზე 17:30 წუთი დაჰყო და ამ დროის განმავლობაში 4 ქულა , 2 მოხსნა და 1 შედეგიანი გადაცემა მიითვალა.




მატჩის ყველაზე შედეგიანი კალათბურთელი კი ტობიას ჰარისი გახდა,რომელმაც 27 ქულა დააგროვა.

ამ გამარჯვებით „ინდიანა“ სატურნირო ცხრილში მე-8 ადგილზე გადაინაცვლა და ფაქტიურად პლეი-ოფები გაინაღდა,

მომდევნო შეხვედრაში ბითაძე და კომპანია „მილოუკ ბაქს“ დაუპირისპირდებიან.