"ჩვენი ბიოგრაფიების წყევლაა ეს ლენინგრადელი გოპნიკი" - ლაშა ბუღაძე პუტინზე
მწერალი, ლაშა ბუღაძე რუსეთის პრეზიდენტის მიერ ოკუპირებული დონეცკისა და ლუგანსკის ე.წ. „დამოუკიდებლობის“ აღიარებას ეხმაურება და წერს:
"პუტინმა თავის არმიას "მშვიდობის უზრუნველყოფა" დაავალა მის მიერვე აღიარებულ უკრაინულ მეტასტაზებში, ანუ რუსული ჯარის "კანონიერად" ყოფნის უფლება მისცა. ბაიდენი, როგორც ჩანს, ამას უწოდებდა "მცირე შეჭრას". პუტინი რისკავს, თან ფრთხილობს და კიდევ უფრო მაღლა სწევს ისტერიკის და ვაჭრობის თამასას. ეს არაა "დიდი შეჭრა", მაგრამ ომის კარი ღია რჩება. რაციონალური გიჟის კიდევ ერთი გრძლად-აგონიური სვლა. ჩვენი ბიოგრაფიების წყევლაა ეს ლენინგრადელი გოპნიკი", - წერს ბუღაძე.
