"ოპერაციამ კარგად ჩაიარა" - როგორია შარტავას ქუჩაზე დაშავებული ბავშვის მდგომარეობა?
თბილისში, შარტავას ქუჩაზე ავარიის შედეგად დაშავებული 8 წლის დათი ისრაელის კლინიკაში ოპერაცია ჩაუტარდა.
"ოპერაციამ კარგად ჩაიარა, მაგარი კაცია დათი, დიდება უფალს“, - წერს 8 წლის ბიჭის ოჯახის წევრი.
შეგახსენებთ, 31 მარტს, თბილისში, შარტავას ქუჩაზე, ტროტუარზე მდგომ 8 წლის დათის მანქანა დაეჯახა. მოზარდისთვის ფეხის ამპუტაცია გახდა საჭირო, რის შემდეგ ბავშვი სამკურნალოდ ისრაელში გადაიყვანეს.
თბილისის საქალაქო სასამართლომ აღკვეთის ღონისძიების სახით პატიმრობა შეუფარდა ავტომობილის მძღოლს, დავით ჯალაღონიას.
