ქალი პოლიციელი ნივთმტკიცებად ამოღებულ კოკაინს ყიდდა
უკრაინაში, ოდესის ოლქში პოლიციამ ნარკოდაჯგუფება გამოავლინა, რომელშიც პოლიციის თანამშრომელი შედიოდა. ქალი გამოძიების მიერ ნივთმტკიცებად ამოღებულ კოკაინს იპარავდა და ყიდდა. ინფორმაციას ამის შესახებ უკრაინის უსაფრთხოების სამსახური ავრცელებს.
გამოძიების ცნობით, ბოროტმოქმედები ნარკოტიკებსა და ფსიქოტროპულ საშუალებებს ადგილობრივ ნარკოდამოკიდებულ პირებზე ასაღებდნენ, რისთვისაც ნარკოდილერებს იყენებდნენ.
უკრაინის უსაფრთხოების სამსახურის განცხადებით, ქალმა ჯამში ნივთმტკიცებად ამოღებული 0,5 კოკანინი მოიპარა, რომლის რეალიზაციას მცირე პარტიებად ცდილობდა.
