სომხეთში საარჩევნო უბნები დაიხურა
სომხეთში, ადგილობრივი დროით 19:00 საათზე, ვადამდელ საპარლამენტო არჩევნებზე ხმის მიცემის პროცედურები დასრულდა. ქვეყანაში 2008 საარჩევნო უბანი იყო გახსნილი.
16:00 საათის მონაცემებით, საკუთარი სამოქალაქო პოზიცია 989 972-მა ადამიანმა დააფიქსირა, რაც ამომრჩეველთა 38,17%-ია.
ექსპერტები მთავარ დაპირისპირებას ექსპრეზიდენტ, რობერტ ქოჩარიანსა და პრემიერ-მინისტრის მოვალეობის შემსრულებელ, ნიკოლ პაშინიანს შორის ვარაუდობდნენ.
საერთო ჯამში კი 20 ივნისის არჩევნებში 25 პარტია და ბლოკი მონაწილეობდა. ეროვნულ კრებაში მოსახვედრად პარტიებს 5%-იანი, ხოლო ბლოკებს 7%-იანი ბარიერის გადალახვა მოუწევთ.
არჩევნებში მონაწილეობის მიღება 2 583 823 ამომრჩეველს შეეძლო.
