მოსკოვში პოლიციამ ტრანსგენდერი კაცი და მისი საცოლე ქორწილის დღეს დააკავა
მოსკოვის ცენტრში, წითელ მოედანზე, პოლიციამ ლგბტ-ს დროშის გაშლისთვის ტრანსგენდერი კაცი ალან ლეონგარდი და მისი ცოლი, ვალია ნარცისოვა დააკავა. ამის შესახებ „მედუზა“ იუწყება.
დროშას ეწერა „ქორწინების უფლება ყველას უნდა ჰქონდეს“. აქტივისტებმა აქცია ქორწილის დღეს მოაწყვეს. პოლიციამ ისინი არასანქცირებული აქციის ჩატარებისთვის დააკავა.
აქციის ჩატარებამდე აქტივისტებმა მანიფესტი მოამზადეს. მათ კანონის გაუქმება მოითხოვეს, რომელიც არასრულწლოვანებს შორის არატრადიციული სექსუალური ურთიერთობების პროპაგანდას კრძალავს. ასევე 18 წელზე უფროსი პირებისთვის თავისი ურთიერთობების დაკანონება მოითხოვეს.
2013 წელს რუსეთში კანონი მიიღეს, რომლის მიხედვით არასრულწლოვნებში გეი პროპაგანდა იკრძალება.