"სუიციდის გაშუქებას აქვს თავისი სტანდარტი, თუკი საერთოდ საჭიროა მისი გაშუქება" - თამარ რუხაძე
ჟურნალისტი, თამარ რუხაძე სოციალურ ქსელში სტატუსს აქვეყნებს:
"მეგობრებო, კოლეგებო, ფრენდებო, უბრალოდ ვინც კითხულობთ ამ სტატუსს - ნუ წერთ ამ დეტალებს, რამდენი რა დაულევია, რა დაუწერია მანამდე, რამდენი ათასი ლაიქი და გამოხმაურება მიუღია - ნუ წერთ!
მის სტატუსსაც ნუ აზიარებთ.
ამით ვერც მას დაეხმარებით და სხვასაც ავნებთ.
ძალიან საშიშია სუიციდის მცდელობაზე ასე წერა, მით უმეტეს, როცა საქმე პოპულარულ ადამიანს ეხება, როცა უამრავი ხალხი კითხულობს და ადევნებს თვალს ამ პოსტებს და ახალ ამბებს.
სუიციდის გაშუქებას აქვს თავისი სტანდარტი, თუკი საერთოდ საჭიროა მისი გაშუქება.
გიორგი აუცილებლად კარგად იქნება", - წერს რუხაძე.
