რუსი მამაკაცების ომისთვის მობილიზება, სასოწარკვეთილების აქტია - ოლაფ შოლცი
გერმანიის კანცლერი, ოლაფ შოლცი რუსეთ-უკრაინის ომის შესახებ საუბრობს და რუსეთს ადანაშაულებს.
"მიზანმიმართული თავდასხმები მშვიდობიან მოსახლეობაზე არის ომის დანაშაული. რუსეთის დაბომბვა და სარაკეტო ტერორი, ისევე როგორც რუსი მამაკაცების ომისთვის მობილიზება, სასოწარკვეთილების აქტია“, - აღნიშნა ოლაფ შოლცმა ბუნდესტაგში სიტყვის გამოსვლისას.
გერმანიის კანცლერმა კიდევ ერთხელ დაადასტურა ბერლინის მხარდაჭერა უკრაინისადმი და აღნიშნა, რომ ბერლინი გააგრძელებს უკრაინისთვის მხარდაჭერის აღმოჩენას იმდენ ხანს, რამდენიც საჭირო იქნება, რათა უკრაინამ დაიცვას საკუთარი თავი.
