ილია მეორე: "წმინდა გიორგის მადლი და ლოცვა-კურთხევა შეგეწიოთ თქვენ, სრულიად საქართველოს და მთელ მსოფლიოს“
გიორგობის დღესასწაულთან დაკავშირებით, საქართველოს კათოლიკოს-პატრიარქმა ილია მეორემ ღამისთევის მსახურება წმინდა ელია თეზბიტელის ტაძარში აღავლინა.
ამის შესახებ ინფორმაციას საპატრიარქოს საზოგადოებასთან ურთიერთობის სამსახური Facebook-ის საკუთარ გვერდზე ავრცელებს.
„გიორგობის დღესასწაულთან დაკავშირებით სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II-მ საქართველოს საპატრიარქოს წმინდა ელია თეზბიტელის ტაძარში ღამისთევის მსახურება აღავლინა, დალოცა და გიორგობა მიულოცა მრევლს და სრულიად საქართველოს.
„წმინდა გიორგის მადლი და ლოცვა-კურთხევა შეგეწიოთ თქვენ, სრულიად საქართველოს და მთელ მსოფლიოს“, – განაცხადა პატრიარქმა მსახურების ბოლოს.
